x

Subscribe to our mailing list

* indicates required
Email Format
x











More about yourself *



How do you plan to use these resources?






ENGLISH | KANNADA
The Akshara Idea
ರಾಷ್ಟ್ರೀಯ ಪಠ್ಯಕ್ರಮ ಚೌಕಟ್ಟು – (NCF 2005) ಹೇಳುವಂತೆ ಇಂಗ್ಲೀಷ್ ಭಾಷೆಯು ‘ ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ಜೀವನಕ್ಕೆ ಪೂರ್ಣ ಭಾಗವಹಿಸುವಿಕೆಗಾಗಿ ಜನರ ನಿರೀಕ್ಷೆಗಳ ಚಿಹ್ನೆಯಾಗಿದೆ’. ಭಾರತದ ನಗರ ಪ್ರದೇಶದ ಜನರಲ್ಲಿ ಇಂಗ್ಲೀಷ್ ಮಾತನಾಡುವ ಹಂಬಲವನ್ನು ಗ್ರಹಿಸುವುದು ತುಂಬಾ ಸುಲಭವಾಗಿದೆ. ಭಾರತದ ಗ್ರಾಮಾಂತರ ಪ್ರದೇಶದಲ್ಲಿ ಸಹ ಈ ಸನ್ನಿವೇಶ ಭಿನ್ನವಾಗಿಲ್ಲವೆಂದು, ಅಕ್ಷರದಲ್ಲಿ ನಾವು ಕರ್ನಾಟಕದ ಗದಗ ಜಿಲ್ಲೆ, ಕೊಪ್ಪಳ ಜಿಲ್ಲೆ ಮತ್ತು ಬೆಂಗಳೂರು ಗ್ರಾಮಾಂತರ ಜಿಲ್ಲೆಯಲ್ಲಿ ಕಾರ್ಯನಿರ್ವಹಿಸಿದ ಅನುಭವದಿಂದ ತಿಳಿದುಕೊಂಡಿದ್ದೇವೆ. ಕರ್ನಾಟಕ ಸರ್ಕಾರವು 2007-08 ರಲ್ಲಿ ಅಪೂರ್ಣ ಸನ್ನಿವೇಶದಲ್ಲಿ ಇಂಗ್ಲೀಷ್ ಅನ್ನು ತರಗತಿ 1 ರಿಂದ ಪರಿಚಯಿಸಿದೆ. ಸರ್ಕಾರಿ ಶಿಕ್ಷಕರು ತಾವೇ ಸ್ವತಃ ಇಂಗ್ಲೀಷ್ ಅನ್ನು ‘ಕಠಿಣ ವಿಷಯ’ ವಾಗಿ ಕಲಿಕಾರ್ಥಿಗಳ ಜೀವನದಲ್ಲಿ ಯಾವುದೇ ನಿಜ ಸಂಪರ್ಕವಿಲ್ಲದಂತೆ ಹಾಗೂ ಸಾಮಾನ್ಯವಾಗಿ ಬಾಯಿಪಾಠ ವಿಧಾನದಲ್ಲಿ ಕಲಿತ ಪರಿಸರದಿಂದ ಬಂದಿದ್ದಾರೆ. ಈ ವಾಸ್ತವಾಂಶವನ್ನು ಗಮನದಲ್ಲಿಟ್ಟುಕೊಂಡು, ಅಕ್ಷರದ ಎರಡೂ ಇಂಗ್ಲೀಷ್ ಕಾರ್ಯಕ್ರಮಗಳನ್ನು ಮಗು-ಸ್ನೇಹಿ ಹಾಗೂ ಶಿಕ್ಷಕ-ಸ್ನೇಹಿಯಾಗಿ ರೂಪಿಸಲಾಗಿದೆ, ಜೊತೆಗೆ ಆಲಿಸುವ-ಮಾತನಾಡುವ-ಓದುವ-ಬರೆಯುವ ಮೂಲಕ ಸಾಧಿಸಬಹುದಾದ ಭಾಷಾ ಕೌಶಲ್ಯಗಳ ಮೇಲೆಯೂ ಕೇಂದ್ರೀಕೃತಗೊಳಿಸಲಾಗಿದೆ.

ಸ್ವಲ್ಪ ಇಂಗ್ಲೀಷ್ ತುಂಬಾ ಫನ್ (ಸ್ವಲ್ಪವೇ ಇಂಗ್ಲೀಷ್, ತುಂಬಾ ಮೋಜು), ಮುದ್ರಣ-ಆಧರಿತ ಕಾರ್ಯಕ್ರಮವು ಒಬ್ಬ ಸರಾಸರಿ ಶಾಲಾ ಶಿಕ್ಷಕರು ಸಹ ಸುಲಭವಾಗಿ ಅನುಷ್ಠಾನಗೊಳಿಸುವಂತ ಬೋಧನಾ-ಕಲಿಕಾ ಸಾಮಗ್ರಿಗಳನ್ನು ಹೊಂದಿದೆ. ಜೊತೆಗೆ ಶಿಕ್ಷಕರಿಗೆ ಕೌಶಲ್ಯ-ವೃದ್ಧಿಸುವ ಕಾರ್ಯಾಗಾರಗಳನ್ನು ಹೊಂದಿದ್ದು, ಇದನ್ನು ಕರ್ನಾಟಕದ ಒಳನಾಡಿನ ಶಿಕ್ಷಕರು ಸ್ವಾಗತಿಸಿದ್ದಾರೆ. “ಈ ಬೋಧನಾ ಸಾಮಗ್ರಿಗಳು ಶಿಕ್ಷಕರು ಮತ್ತು ಮಕ್ಕಳ ಕೈಗೆಟುಕುವಂತಿದೆ, ……. ಮತ್ತು ಗ್ರಾಮಾಂತರ ಶಾಲೆಗಳಿಗೆ ಸೂಕ್ತವಾಗಿದೆ”, ಇದು ಕೊಪ್ಪಳ ಜಿಲ್ಲೆಯ ಕುಷ್ಟಗಿ ತಾಲೂಕಿನ ಶಿಕ್ಷಕ/ತರಬೇತುದಾರರೊಬ್ಬರ ಅನಿಸಿಕೆಯಾಗಿದೆ.



ಇದರ ಕಾರ್ಯವಿಧಾನ

ಶಿಕ್ಷಕರು ಮತ್ತು ಮಕ್ಕಳ ನಡುವೆ ಇಂಗ್ಲೀಷ್ ನಲ್ಲಿ ಸಂವಹಹಿಸಲು ಉತ್ತೇಜಿಸಲು ವರ್ಣಮಯ ಮತ್ತು ಆಕರ್ಷಕ ಚಾರ್ಟ್ ಗಳನ್ನು ಬಳಸಲಾಗುತ್ತದೆ. ಭಾಷೆಯ ಮೂಲ ಅರ್ಥೈಸುವಿಕೆ, ಶಬ್ದಭಂಡಾರ ರಚನೆ ಮತ್ತು ಸರಿಯಾದ ವಿಧಾನ ತಿಳಿದುಕೊಳ್ಳುವುದರ ಮೂಲಕ ಈ ಕಾರ್ಯಕ್ರಮ ಪ್ರಾರಂಭವಾಗುತ್ತದೆ. ಭಾಷಾ ಉತ್ಪಾದನೆಯನ್ನು ವೃದ್ಧಿಸಲು ಮುಕ್ತ ಪ್ರಶ್ನೆಗಳು ಮತ್ತು ಅಭ್ಯಾಸಗಳ ಸಂಯೋಜನೆಯುಳ್ಳ ಕೈಪಿಡಿಯು ಶಿಕ್ಷಕರಿಗೆ ಮಾರ್ಗದರ್ಶನ ಒದಗಿಸುತ್ತದೆ. ಆಡು ಭಾಷೆಯ ಪರಿಚಯದ ಮೇಲೆ ಓದುವ ಮತ್ತು ಬರೆಯುವ ಕೌಶಲ್ಯಗಳನ್ನು ರಚಿಸಲಾಗಿದೆ. ತರಗತಿಯು ಮುದ್ರಿತ ಸಾಮಗ್ರಿಗಳಾದ ಕಥೆ ಚಾರ್ಟ್ ಗಳು, ಫೋನಿಕ್ ಕಾರ್ಡ್ ಗಳು, ಅಭ್ಯಾಸ ಪುಸ್ತಕಗಳು ಮತ್ತು ಓದುವ ಕಾರ್ಡ್ ಗಳಿಂದ ಕೂಡಿರುತ್ತದೆ. ಕಾರ್ಯಕ್ರಮದ ವಿಸ್ತರಣೆ ಮತ್ತು ಪ್ರತಿ ಹಂತದಲ್ಲಿನ ಮೂಲ ಸಾಮರ್ಥ್ಯ ವೃದ್ಧಿಗೆ ಬೆನ್ನೆಲುಬಿನಂತೆ ಅವಶ್ಯಕವಾದ ಕ್ಯಾಸ್ಕೇಡ್ ವಿಧಾನದಲ್ಲಿ ಶಿಕ್ಷಕರಿಗೆ ತರಬೇತಿ ನೀಡಲಾಗುತ್ತದೆ.


ಸ್ವಲ್ಪ ಇಂಗ್ಲೀಷ್ ತುಂಬಾ ಫನ್
- ವ್ಯಾಪ್ತಿ

Programme Coverage



ಸಂಶೊಧನೆ ಮತ್ತು ಕಾರ್ಯಕ್ರಮದ ವರದಿಗಳಿಗೆ ದಯವಿಟ್ಟು ನಮ್ಮ ಸಂಶೊಧನೆ ವರದಿಗಳು ಮತ್ತು ಸಂಶೋಧನಾ ಲೇಖನಗಳ ಪುಟಗಳನ್ನು ಸಂದರ್ಶಿಸಿ.

ಮೌಲ್ಯಮಾಪನ ಮತ್ತು ಶಾಲಾ ಮಾಹಿತಿ/ದತ್ತಾಂಶಗಳ ಮೇಲೆ ಹೆಚ್ಚಿನ ಮಾಹಿತಿಗಾಗಿ ದಯವಿಟ್ಟುhttp://www.klp.org.in/ ನ್ನು ಸಂದರ್ಶಿಸಿ.