ಅಕ್ಷರದಲ್ಲಿ ಪ್ರತಿಯೊಂದು ಕಾರ್ಯಕ್ರಮವು ಮಕ್ಕಳು ಉತ್ತಮವಾಗಿ ಕಲಿಯುವ ಮತ್ತು ಶೈಕ್ಷಣಿಕ ಪ್ರಗತಿಗೆ ತಳಹದಿ ಕೌಶಲ್ಯಗಳನ್ನು ಪಡೆಯಲು ವಿನ್ಯಾಸದ ಹಂತದಲ್ಲಿಯೇ ರೂಪಿಸಲ್ಪಟ್ಟ ಒಂದು ಖಚಿತವಾದ ಗುರಿ, ಮುಂಗಾಣ್ಕೆಗಳನ್ನು ಹೊಂದಿರುತ್ತದೆ. ನಮ್ಮ ಸಂಶೊಧನಾ ಮತ್ತು ಮೌಲ್ಯಮಾಪನ ತಂಡವು ಮುಖ್ಯ ಭೂಮಿಕೆಗೆ ಪ್ರವೇಶಿಸಿ ಕಾರ್ಯಕ್ರಮವು ಹೇಗೆ ನಡೆಯುತ್ತಿದೆ ಮತ್ತು ಅವುಗಳ ಅಂತಿಮ ಫಲಿತಾಂಶವು ಅವುಗಳ ತಳಹದಿಯಾಗಿರುವ ನಿರೀಕ್ಷೆಗಳನ್ನು ಪೂರೈಸಿದೆಯೇ ಎಂದು ಮಾಪನ ಮಾಡುವರು. ದತ್ತಾಂಶ, ಮಕ್ಕಳ ಪರೀಕ್ಷಾ ಅಂಕಗಳು, ತರಗತಿ ವೀಕ್ಷಣೆಗಳು, ಶಿಕ್ಷಕರ ಹಿಮ್ಮಾಹಿತಿಗಳು ಮತ್ತು ಕ್ಷೇತ್ರ ಟಿಪ್ಪಣಿಗಳು ಪರಿಶೋಧನೆಗೊಳಪಟ್ಟು ಕಾರ್ಯಕ್ರಮ ಮತ್ತು ಅದರ ಪರಿಣಾಮಕತ್ವದ ಮೇಲಿನ ಸಂಶೋಧನಾ ಲೇಖನಗಳಾಗಿ ರೂಪಾಂತರಗೊಳ್ಳುತ್ತವೆ. ಅದು ಒಂದು ಹೆಜ್ಜೆ ಹಿಂದಕ್ಕೆ ಸರಿದು ಕಲಿಕಾ ಕಾರ್ಯ ತಂತ್ರಗಳು, ಯಶಸ್ಸನ್ನು ಖಾತರಿಪಡಿಸುವುದು ಮತ್ತು ಅದೇ ಸಮಯದಲ್ಲಿ ಕುಂದು ಕೊರತೆಗಳನ್ನು ಎತ್ತಿ ತೋರಿಸಿ ಸುಧಾರಣೆಯಾಗಬೇಕಾದ ಕ್ಷೇತ್ರಗಳನ್ನು ಬೊಟ್ಟು ಮಾಡಿ ತೋರಿಸುವ ಒಂದು ವಸ್ತುನಿಷ್ಟ ಹಾಗೂ ಮುಕ್ತ ಮನಸ್ಸಿನ ಅವಲೋಕನವಾಗಿದೆ.
ಈ ಭೂಮಿಕೆಯ ಹಿಂದೆ ಮೌನವಾಗಿ, ತರಬೇತಿ, ಪಠ್ಯವಸ್ತು ಮತ್ತು ಮಾಪನದ ಸಾಧನಗಳನ್ನು ರೂಪಿಸುವ ಮೂಲಕ ಕಾರ್ಯಕ್ರಮವನ್ನು ಬೆಂಬಲಿಸುವ ತೆರೆಮರೆಯ ಶ್ರಮವಿದೆ –. ಈ ತಂಡವು ಪ್ರತಿ ವರ್ಷವು ಅಸರ್ (Annual Status of Education Report)ನ ರಾಷ್ಟ್ರವ್ಯಾಪಿ ವ್ಯಾಪ್ತಿಯಲ್ಲಿ ಕರ್ನಾಟದ ಸಮೀಕ್ಷೆ, ಶೋಧನೆಗಳನ್ನು ಮತ್ತು ಕಲಿಕಾ ಪ್ರಮಾಣೀಕರಣಗಳನ್ನು ಸುಗಮಗಾರಿಕೆ ನಡೆಸುವ ಮೂಲಕ ಮಹತ್ವದ ಪಾತ್ರವಹಿಸುತ್ತದೆ.
ವಕಾಲತ್ತು, ಶಿಕ್ಷಣದಲ್ಲಿ ಸುದಾರಣೆಯನ್ನು ಮುಂದಕ್ಕೆ ತಳ್ಳುವುದು, ಸರಕಾರಕ್ಕೆ ವಿಶ್ಲೇಷಣೆ ಮತ್ತು ದಿಕ್ಸೂಚಿಗಳಿರುವ ಸ್ಥಿತಿ ಗತಿ ವರದಿ, ಪ್ರಸ್ತುತಿಗಳು ಮತ್ತು ಪ್ರೌಢ ಪ್ರಬಂಧಗಳಂತಹ ದೊಡ್ಡ ಪ್ರಮಾಣದ ತೊಡಗಿಸಿಕೊಳ್ಳುವಿಕೆ-ಇವೆಲ್ಲವೂ ಸಂಶೋಧನೆ ಮತ್ತು ಮೌಲ್ಯಮಾಪನ ತಂಡದ ಪ್ರಗತಿಯಲ್ಲಿರುವ ಕೆಲಸಗಳಾಗಿವೆ.
ಈ ಭೂಮಿಕೆಯ ಹಿಂದೆ ಮೌನವಾಗಿ, ತರಬೇತಿ, ಪಠ್ಯವಸ್ತು ಮತ್ತು ಮಾಪನದ ಸಾಧನಗಳನ್ನು ರೂಪಿಸುವ ಮೂಲಕ ಕಾರ್ಯಕ್ರಮವನ್ನು ಬೆಂಬಲಿಸುವ ತೆರೆಮರೆಯ ಶ್ರಮವಿದೆ –. ಈ ತಂಡವು ಪ್ರತಿ ವರ್ಷವು ಅಸರ್ (Annual Status of Education Report)ನ ರಾಷ್ಟ್ರವ್ಯಾಪಿ ವ್ಯಾಪ್ತಿಯಲ್ಲಿ ಕರ್ನಾಟದ ಸಮೀಕ್ಷೆ, ಶೋಧನೆಗಳನ್ನು ಮತ್ತು ಕಲಿಕಾ ಪ್ರಮಾಣೀಕರಣಗಳನ್ನು ಸುಗಮಗಾರಿಕೆ ನಡೆಸುವ ಮೂಲಕ ಮಹತ್ವದ ಪಾತ್ರವಹಿಸುತ್ತದೆ.
ವಕಾಲತ್ತು, ಶಿಕ್ಷಣದಲ್ಲಿ ಸುದಾರಣೆಯನ್ನು ಮುಂದಕ್ಕೆ ತಳ್ಳುವುದು, ಸರಕಾರಕ್ಕೆ ವಿಶ್ಲೇಷಣೆ ಮತ್ತು ದಿಕ್ಸೂಚಿಗಳಿರುವ ಸ್ಥಿತಿ ಗತಿ ವರದಿ, ಪ್ರಸ್ತುತಿಗಳು ಮತ್ತು ಪ್ರೌಢ ಪ್ರಬಂಧಗಳಂತಹ ದೊಡ್ಡ ಪ್ರಮಾಣದ ತೊಡಗಿಸಿಕೊಳ್ಳುವಿಕೆ-ಇವೆಲ್ಲವೂ ಸಂಶೋಧನೆ ಮತ್ತು ಮೌಲ್ಯಮಾಪನ ತಂಡದ ಪ್ರಗತಿಯಲ್ಲಿರುವ ಕೆಲಸಗಳಾಗಿವೆ.
ಬೆಂಗಳೂರಿನ ಸರಕಾರಿ ಉರ್ದು ಪ್ರಾಥಮಿಕ ಶಾಲೆಗಳ ಅಧ್ಯಯನ 2011
ಈ ಅಧ್ಯಯನವು ಭಾರತದ ಕರ್ನಾಟಕ ರಾಜ್ಯದ ಬೆಂಗಳೂರು-ನಗರ ಜಿಲ್ಲೆಯ ಉರ್ದು ಮಾಧ್ಯಮ ಪ್ರಾಥಮಿಕ ಶಾಲೆಗಳ ಮೇಲಿನ ಒಂದು ಸಿಂಹವಲೋಕನವನ್ನು ಒದಗಿಸುತ್ತದೆ. ಅಕ್ಷರದ ಸಂಶೋಧನೆಯು ಸರಕಾರಿ ಉರ್ದು ಮಾಧ್ಯಮ ಪ್ರಾಥಮಿಕ ಶಾಲೆಗಳ ಲಭ್ಯತೆ ಮತ್ತು ದಾಖಲಾತಿ, ವಿದ್ಯಾರ್ಥಿ ಹಾಜರಿ ಪ್ರಮಾಣ ಮತ್ತು ಈ ಶಾಲೆಗಳ ಕಲಿಕಾ ಸಾಧನೆಗಳ ಪ್ರಮಾಣಗಳನ್ನು ಶೋಧಿಸಿದೆ.
ಕರ್ನಾಟಕದ ಸಮಗ್ರ ಶಿಶು ಅಭಿವೃದ್ಧಿ ಯೋಜನೆ (ICDS) ಯೊಂದಿಗಿನ ಅಕ್ಷರ ಫೌಂಡೇಶನ್ ತೊಡಗಿಸಿಕೊಳ್ಳುವಿಕೆಯ ಪ್ರಭಾವ ಮೌಲ್ಯಮಾಪನ -2013
ವರದಿಯು ಸೈದ್ದಾಂತಿಕವಾಗಿ ಅತ್ಯುತ್ತಮ-ಪ್ರಕರಣ ಚಿತ್ರಣದ ಹಿನ್ನೆಲೆಯಲ್ಲಿ ಅಕ್ಷರದ ಶಾಲಾ ಪೂರ್ವ ತೊಡಗಿಸಿಕೊಳ್ಳುವಿಕೆಯ ಮಾನದಂಡಗಳನ್ನು ಒದಗಿಸುತ್ತದೆ. ಇಲ್ಲಿ ವಾಸ್ತವದ ಹಿನ್ನೆಲೆಯಲ್ಲಿ ಮಾದರಿಯ ಪಲ್ಲಟಕ್ಕೆ ಒಂದು ಸವಾಲು ಮತ್ತು ತುರ್ತು ಇರುತ್ತದೆ ಹಾಗೂ ಇಲ್ಲಿ ಒಟ್ಟು ಎಲ್ಲಾ ಭಾಗೀದಾರರ ಸಂಘಟಿತ ಪ್ರಯತ್ನಗಳು ದೇಶದಲ್ಲಿ ಆರಂಭಿಕ ಬಾಲ್ಯಕಾಲ ಶಿಕ್ಷಣ ಸಂದರ್ಭವನ್ನು ಸುಧಾರಿಸಲು ಮತ್ತು ನಮ್ಮ ಮಕ್ಕಳು ನಾವು ನಂಬಿರುವಂತೆ ಶಾಲಾ ಪೂರ್ವ ಗಮನವನ್ನು ತಮ್ಮ ಒಳಿತಿಗಾಗಿ ಪಡೆಯುವರೆಂಬುದನ್ನು ಖಾತರಿಪಡಿಸಲು ಸಹಾಯ ಮಾಡಬಲ್ಲುದು.
ಬೆಂಗಳೂರಿನ ಅಧಿಸೂಚನೆಗೊಳ್ಳದ ಕೊಳಚೆ ಪ್ರದೇಶಗಳಲ್ಲಿನ ಶಿಕ್ಷಣದ ಸ್ಥಿತಿ-ಗತಿಯ ಮೇಲೆ ಒಂದು ಅಧ್ಯಯನ -2010
ನಗರದ ಬಡವರಲ್ಲಿ ಕೊಳಚೆ ಪ್ರದೇಶದ ನಿವಾಸಿಗಳು ಅತ್ಯಂತ ಬಡವರಾಗಿರುತ್ತಾರೆ. ಯಾವುದೇ ಸರಕಾರಿ ಅಥವಾ ಖಾಸಗಿ ಶಾಲಾ ಪೂರ್ವ ಶಿಕ್ಷಣ ಕೇಂದ್ರಗಳ ಸೌಲಭ್ಯಗಳಿಲ್ಲದ ಹಲವಾರು ಮಕ್ಕಳು ಅಧಿಸೂಚನೆಗೊಳ್ಳದ ಕೊಳಚೆ ಪ್ರದೇಶಗಳಲ್ಲಿ ವಾಸಿಸುತ್ತಿರುವುದನ್ನು ಅಕ್ಷರ ಫೌಂಡೇಷನ್ ಕಂಡುಕೊಂಡಿದೆ. ಶಾಲಾ ಪೂರ್ವ ಕೇಂದ್ರ (ಬಾಲವಾಡಿ)ಗಳನ್ನು ಸ್ಥಾಪಿಸುವ ಪ್ರಕ್ರಿಯೆಯಲ್ಲಿ ಮೊದಲ ಹೆಜ್ಜೆಯಾಗಿ ಬೆಂಗಳೂರಿನಲ್ಲಿ ಅಕ್ಷರ ಫೌಂಡೇಷನ್ ಒಂದು ಕಾರ್ಯಸಿಂಧು (feasibility study) ಅಧ್ಯಯನವನ್ನು ನಡೆಸಲು ತೀರ್ಮಾನಿಸಿತು.
ಹೊಸಕೋಟೆ –ಒಂದು ಶೈಕ್ಷಣಿಕ ರಿಪೋರ್ಟ್ ಕಾರ್ಡ್ 2010-2013
ಈ ದಾಖಲೆಯು 2012-2013 ನೇ ಸಾಲಿನ ದಕ್ಷಿಣ ಕರ್ನಾಟಕದ ಹೊಸಕೋಟೆ ತಾಲೂಕು ವರದಿ ಕಾರ್ಡ್ ಆಗಿರುತ್ತದೆ. ಶಾಲಾ ಸಮೀಕ್ಷೆ, ತರಗತಿ ಕೋಣೆ ವೀಕ್ಷಣೆ, ಶಿಕ್ಷಕರ ಸಂದರ್ಶನ ಮತ್ತು ಕಲಿಕಾ ಮಾಪನಗಳನ್ನು ಪ್ರಯೋಗಿಸಿ ವಿಶಾಲ ಮಟದಲ್ಲಿ ಕ್ಷೇತ್ರವನ್ನು ಒಳಗೊಂಡ ಎರಡು ವರ್ಷಕ್ಕಿಂತಲೂ ಹೆಚ್ಚಿನ ಕೆಲಸದ ಮೂಲಕ ಅಕ್ಷರ ಕ್ಷೇತ್ರ ತಂಡವು ಇಲ್ಲಿಯ ಅಂಕಿ ಅಂಶಗಳನ್ನು ತಾಳೆ ಮಾಡಿ ನೋಡಿದೆ. ಇನ್ನೂ ಅನೇಕ ಕೆಲಸಗಳು ಆಗಬೇಕಾಗಿದೆ-ಅದಕ್ಕೆ ಸಮುದಾಯ ಕೂಡಾ ಜವಾಬ್ದಾರಿಯನ್ನು ತೆಗೆದುಕೊಳ್ಳಬೇಕು.
ಬೆಂಗಳೂರಿನ ಶೈಕ್ಷಣಿಕ ಸ್ಥೂಲ ಚಿತ್ರಣ-ಒಂದು ರಿಪೋರ್ಟ್ ಕಾರ್ಡ್ 2009-2010
ರಿಪೋರ್ಟ್ ಕಾರ್ಡ್ ಶೈಕ್ಷಣಿಕ ವರ್ಷ 2009-2010ರ ಬೆಂಗಳೂರಿನ ಸರಕಾರಿ ಶಾಲಾ ಪೂರ್ವ ಕೇಂದ್ರ ಮತ್ತು ಪ್ರಾಥಮಿಕ ಶಾಲೆಗಳಿಗೆ ಹಾಜರಾಗುವ ಮಕ್ಕಳ ಜನಸಂಖ್ಯಾ ಹಿನ್ನೆಲೆ ಮತ್ತು ಕಲಿಕಾ ಫಲಿತಾಂಶಗಳ ಮೇಲೆ ಬೆಳಕು ಚೆಲ್ಲುತ್ತದೆ. ವರದಿಯಲ್ಲಿ ಮಂಡನೆಯಾದ ಫಲಿತಾಂಶಗಳು ಅಕ್ಷರ ಫೌಂಡೇಷನ್ ಸರಕಾರಿ ಶಾಲಾ ಪೂರ್ವ ಕೇಂದ್ರ ಮತ್ತು ಪ್ರಾಥಮಿಕ ಶಾಲೆಗಳಿಂದ ಸಂಗ್ರಹಿಸಲಾದ ದತ್ತಾಂಶಗಳನ್ನು ಆಧರಿಸಿವೆ. ದತ್ತಾಂಶವು ಆರಂಭಿಕ ಬಾಲ್ಯಕಾಲ ಶಿಕ್ಷಣ (ECE)ದ ಎಲ್ಲಾ ಪ್ರಮುಖ ಕ್ಷೇತ್ರಗಳ ಕಲಿಕಾ ಫಲಿತಾಂಶಗಳನ್ನು ಮತ್ತು ಪ್ರಾಥಮಿಕ ಶಾಲೆಗಳ ಗಣಿತಶಾಸ್ತ್ರ ಮತ್ತು ಇಂಗ್ಲಿಷ್ ನ್ನು ಒಳಗೊಳ್ಳುತ್ತದೆ.
ಶಾಲಾ ಪೂರ್ವ ವರ್ಷಗಳು, ಒಂದು ಬಾಲವಾಡಿ ಕಾರ್ಯಕ್ರಮದ ವರದಿ – 2008
ಮಕ್ಕಳ ಜೀವನದ ಮೊದಲ ಆರು ವರ್ಷಗಳು ಅವರ ಮೇಲೆ ನೇರ ಮತ್ತು ನಿರ್ಣಾಯಕ ಪ್ರಭಾವ ಬೀರುತ್ತದೆಯೆಂಬುದು ಅಲ್ಲಗೆಳೆಯಲಾರದ ವಾಸ್ತವವಾಗಿದೆ. ಈ ಹಂತದಲ್ಲಿ ಮನಸ್ಸುಗಳು ಅಭಿವೃದ್ಧಿ ಹೊಂದುತ್ತದೆ ಮತ್ತು ಕೌಶಲಗಳನ್ನು ಪಡೆಯುತ್ತವೆ. ಆರಂಭಿಕ ಪ್ರಚೋದನೆಯ ಮಹತ್ವವನ್ನು ನಿರ್ಲಕ್ಷಿಸಲಾಗದು. ಎಳೆ ಮಗುವಿನ ಆರೈಕೆಯ ಮಹತ್ವವನ್ನು ಸರ್ವವಿದಿತವಾಗಿದ್ದರೂ, ವಾಸ್ತವದಲ್ಲಿ, ಈ ಪ್ರಮುಖ ವರ್ಷಗಳಲ್ಲಿ ಮಿಲಿಯಾಂತರ ಮಕ್ಕಳ ಅಗತ್ಯಗಳು ಪೂರೈಕೆಯಾಗಿರುವುದಿಲ್ಲ. ಭಾರತದಲ್ಲಿರುವುದರಿಂದ ಆರು ವರ್ಷದ ಕೆಳಗಿನ ಮಗು ಹೆಚ್ಚಾಗಿ ಇವೆಲ್ಲವುಗಳಿಂದ ವಂಚಿತವಾಗಿರುವುದು. ಸರಕಾರ ಮತ್ತು ನಾಗರೀಕ ಸಮಾಜದ ಮುಂದೆ ಅಗಾಧವಾದ ಕೆಲಸವಿದೆ.
ಕರ್ನಾಟಕ ಕಲಿಕಾ ಸಹಭಾಗಿತ್ವದ ಓದುವ ಕಾರ್ಯಕ್ರಮದ ವರದಿ 2006
ಮೊದಲನೇ ಹಂತದಲ್ಲಿ ಬೆಂಗಳೂರಿನ ಸರಕಾರಿ ಪ್ರಾಥಮಿಕ ಶಾಲೆಗಳ ಎಲ್ಲಾ ಮಕ್ಕಳು ಸುಲಲಿತವಾಗಿ ಮತ್ತು ನಿಖರವಾಗಿ ಓದಲು ಸಮರ್ಥರಾಗಿರುವಂತೆ ಮಾಡಲು ಕರ್ನಾಟಕ ಓದುವ ಕಾರ್ಯಕ್ರಮದ ಕರ್ನಾಟಕ ಕಲಿಕಾ ಸಹಭಾಗಿತ್ವದ ವೇಗವರ್ಧಿತ ಓದಿನ ಕಾರ್ಯಕ್ರಮವನ್ನು ಕೈಗೆತ್ತಿಕೊಂಡಿತು. ಕಾರ್ಯಕ್ರಮವು ಯಶಸ್ವಿಯಾಗಿದ್ದು ಇದರ ಫಲಿತಾಂಶಗಳನ್ನು ಎಲ್ಲರೂ ಕಾಣಬಹುದಾದಷ್ಟು ಗಮನಾರ್ಹವಾಗಿದೆ.